باختصار شديد خالص يعنى ..
الخميس الى جاى الموافق 8/5/2008 .. حيكون يوم التفوق فى الكلية و حيكون برضه يوم المعرض الفنى هناك
كل واحد يفضى نفسه معرفش ازاى و ييجى يشرفنا هناك
علشان حضرتى من أهل ذلكم المعرض
أيون حضرتك الابداع ضرب خلاص :)
يوم الخميس من 10 الصبح
عايزة اشوفكم كلكم فى فيبس
حستناكم :)
8 comments:
مبروك.. بس انتم جايبينه قبل الامتحانات علي طول كدا ليه
إن شاء الله الواحد يجي ياخد فكرة بس من غير شراء لا بكرة ولا بعد بكرة
....
هو في بيع أصلاً؟
السلام عليكم و رحمة الله و بركاته
محمد
هو انا مش عارفه اقولك ايه بصراحه ..
هو فى كذا حاجه .. بس اهمهم على الاطلاق انك ما تتصورش انا قد ايه ببقى فرحانه لما اشوفلك اى تعليق هنا .. خاصه لما يجي بعد غيبة طويلة كده .. ببقى قاعده مستنيه اشوف اساميكم وسط من كتب سواء حضرتك او مجموعة أخرى ممن تركو لهم أثر فى تلكم المدونة
المهم بقى .. الله يبارك فيك :)
و هما أخرو المعرض فعلا علشان الاجازات الى فاتت :(
و حضرتك انا مستنياكم بجد مش بهرج نوهائى يعنى :)
و هو مفيش بيع اطمن :) .. بس الى بيبقى عايز يشترى حاجه بيروح يكلم صاحبها بقى بعد المعرض :)
جزيت خيرا على المرور :)
ان شاء الله هبقى موجود من الصبح ...ودى عمرها ما حصلت الا ايام السيشن انى انزل الجامعه بدرى ..
وكمان عشان فيه 3 من ابناء الموديل بتاعنا هيتكرموا بكرة ان شاء الله :D
ياريت كنت اقدر اجى ... والله ما كنت هتأخر بجد :)
معلش خيرها فى غيرها ان شاء الله
وطالما انك من اهل هذا المعرض فممكن تكلمينا انتى مشتركة بأيه فيه...
عشان نعرف بس الجانب الفنى كمان ... مش لازم كله دهاء سياسي ..
يلا شوية دهاء فنى بقي :D :D
ربنا يكرمك يارب :)
السلام عليكم
إده ؟ يوم التفوق ؟؟ و المعرض الفني كمان ؟؟
طيب :D:D:D
بس قوليلنا ايه وجه مشاركة سيادتكم هناك ؟؟ يعني الناس تروح تسأل على انهي جناح عشان تلاقي حضرتكم ؟؟
:D :D
بالمناسبة .. مدونة جميلة يا هبة
السلام عليكم و رحمة الله و بركاته
محمد
ما شوفتكش فى الكلية خالص يومها على فكرة .. بس ماشى .. تتعوض السنة الى جايه .. بس مش حقبل أى اعذار من اى نوع :)
___________
MoMo
يا هلا يا هلا بيك يا بنوتة .. يعنى هو انا لازم اكتبها علنى انى ببقى قاعدة مستنيه اشوف اسماءكم منورة علشان ما تحرمونيش من فرحتى بيكم ولا ايه !!!
ماشى .. حنعديها المرة دى .. :)
بالنسبة للمعرض بقى .. فالسنة دى كان كل الانتاج عبارة عن لوحتين بتكوينات ورقية ..
ححاول أشوفلى طريقة انزل بيها صور اللوحتين هنا ده لو نفع يعنى باذن الله :)
و على فكرة انا مستنياكى السنة الى جاية فى المعرض .. مفيش مفر .. حتيجي حتيجي :)
أتمني أن تكون بخير :)
______________
تسنيم
حضرتك مش عايزة اسمع ولا كلمة لا انت ولا الدكتورة اختك جيتو .. حسابكو معايا بدأ يتقل على فكرة :)
بس حستناكو السنة الى جاية و الا حضطر اسحب السفير بقى :P
بالنسبة للمدونة .. فيعنى اخجلتم تواضعنا .. متشكرين خالص .. حستنى تعقيباتك هنا بقى على طول ما دام المدونة عجبتك :P
ربنا يكرمك فى امتحاناتك يا رب :)
ممممم
طيب أنا كدا جيت بعد المعاد
:(
يللا خير تتعوض بإذن الله
:)
وضاح
باذن الله حستناكم السنة الجايه .. أوعو ما تجوش
:)
Post a Comment