هو م البلد دى

شكلى كده مش حعرف انزل التدوينة الى حتخلل فى دماغى دى وحنقضيها اعلانات صديقه بقى :P

ايوة حضرتك اعلان عن مدونة جديده .. يا ترى فى اى اعتراض مثلا !!!

مفيش ؟؟

طيب انا قلت كده برضه م الاول :)

يا ترى فاكرين البوست ده ؟؟

كويس :)

الزميل الفاضل ع .ع و صاحب البوست برضه و الى كان نزل البوست ده على كل الطلبة قبل كده

و اخى الذى لم ارزق به

و الى كان مصمم على انه يبتعد عن ذلك العالم الغريب و المجنون تدوينيا

و الى فاجئنى بخبر دخوله عالم التدوين من غير احم ولا دستور فى مكالمة عادية جدا لقيته بيقولى فجأه و ربنا

" هبة انا عملت مدونة "

اذهلنى ذلك الخبر فى الحقيقة و بعد شوية كلام و حبه اسئلة عرفت الاتى

المدونة تحمل اسم انا م البلد دى

هو بيكتب باسم

Vendetta





و داخل حامى من اولها بسلسلة تدوينية تحمل اسم " هي دي مصر يا بهية "

لا حضرتك انا لسه ما اعرفش مين بهية الى هو بيكلمها دى .. بس حنعرف باذن الله :)



vendetta مبروك يا حضرة الـ

على المدونة .. و باذن الله تكون مدونة ناجحه و تفيد قراء كتيييييييييييييير و خاصه من الشباب



قولوا آمين :)

نجوم الحيرة

هو انا كنت ناوية " و أعوذ بالله من كلمة ناوية :) " انزل تدوينة تانيه خااااااااااااااااااااالص غير دى .. بس بصراحه ما قدرتش يعنى الخبر ده الاقيه منور صفحات النت و ما اعلنش عنه .. و ما اقولكوش عليه .. و ما أزأططش كمان اه مبسوطة و مزأططة .. في ايه حضرتك ؟؟ يا ستار هو الواحد ما يعرفش يتبسط و هو طالب علوم سياسية !!

طيب بصو بقى .. م الاخر اصحاب مدونة نجوم الحيرة .. ايون نجوم الحيرة .. الى اسمها مشرف فى البانر هناك ده ..

مش ممكن !! لسه ما زرتهاش لحاد دلوقتى !!! ولا سمعت عنها حتى !!!

يبقى اسمحلى اقولك

فاتك من عمرك المعرفى كتييييييييييييييييييييييييير

بس ملحوقة يعنى

المهم ان الاتنين الجامدين صحاب المدونة يا جماعة عملولها " المدونة يعنى " اعادة تأهيل / ديكوريشن / ممكن تقول برضه نيو لوك .. خلوها حاجه جامدة كده

هى كانت جامده اصلا ..

بس دلوقتى بقت أجمد





مش بس كده

تؤ تؤ تؤ

كل واحد فيهم اخيرا عمل مدونة منفرده لشخصه الكريم

عمرو طموح الى قالى "التصميم بس " " علشان كلمته هى الى بتمشى " !!!!!!!!!!!!!!!!!!!!!!!!!

فتح له مطرح هنا





لا ما تستغربش خالص ..

ايون حضرتك قرات اسم المدونة صح

الامير الصغير

عادى طلبة العلوم السياسية ساعات بيمرو بظروف صعبه زى دى :P

عبدو ابن خلدون بقى بيفرشله تلكم المنطقة الى لسه مش عارفه انطق اسمها لحاد دلوقتى اصلا :$ :$ :$

عموما اسمها فى التدوينة دى .. الى يعرف يفسرهولى يكسب فيا ثواب و يقولى

هي لسه ما اتفتحتش يعنى اى حد حيدخل حيلاقى ده فى وشه




هو الخبر بتاع تجديد المدونة بصراحه فضلت متنحه قدامه كده شوية .. ولو اى حد كان بص عليا ساعتها كان قال يعنى البنت اكيد جاتلها حالة من سيولة الانبساط الى نادرا ما تحدث خاصه في الاونة الاخيرة ..

هي نجوم الحيرة ستظل عملا مشتركا بينهما

بدأت بطموح لوحده هنا

ثم انضم اليه ابن خلدون بدايه من هنا

و كانت اول تدوينة ليه هنا

المدونة دى الواحد كان ليه معاها ذكريات كتير أوى .. و الواحد ارتبط بيها نفسيا و عاطفيا جدا بصراحه ..

تفهمو من كده ايه ؟؟ ايون بالظبط .. مش حفضل مشحططة نفسى بين 3 مدونات .. هى نجوم الحيرة و ممكن ابقى اشقر عند كل واحد منكم شوية يعنى

- - - - - - - - - - - - - - - - -

حاجه مهمة بس على جنب كده لعمرو من بنى طموح : الرائع فى المدونة الجديدة التصميم اصلا " تحس ان الى مصممه كده عنده خبرة راقية فى الالوان خاصه الجنزارى " :P

- - - - - - - - - - - - - - - - - -

بصو بقى انا لو قعدت اتكلم عن المدونة او اصحابها مش حخلص .. اكتشفوهم انتو بقى براحتكو


كفايه كده علشان وجعت دماغكو :)



مبروووووووووووك يا شباب :)

في الحكمة

دع الأيام تفعل ما تشاء

وطب نفسا إذا حكم القضاء

ولا تجزع لحادثة الليالي

فما لحوادث الدنيا بقاء

وكن رجلا على الأهوال جلدا

وشيمتك السماحة والوفاء

وإن كثرت عيوبك في البرايا

وسرك أن يكون لها غطاء

تستر بالسخاء فكل عيب

يغطيه كما قيل السخاء

ولا تر للأعادي قط ذلا

فإن شماتة الأعدا بلاء

ولا ترج السماحة من بخيل

فما في النار للظمآن ماء

ورزقك ليس ينقصه التأني

وليس يزيد في الرزق العناء

ولا حزن يدوم ولا سرور

ولا بؤس عليك ولا رخاء

إذا ما كنت ذا قلب قنوع

فأنت ومالك الدنيا سواء

ومن نزلت بساحته المنايا

فلا أرض تقيه ولا سماء

وأرض الله واسعة ولكن

إذا نزل القضا ضاق الفضاء

دع الأيام تغدر كل حين

فما يغني عن الموت الدواء

الشافعي

فضفضة جوانية 8/5

علمت حقا ان ما كنت أتوهمه من راحة البال و الهناء حينما يعيش الفرد وحيدا ما هو الا سخفا بل و بلاهة فكرية ان صح التعبير يدفعك اليها الضيق من حال تلك الدنيا _ و هي دنيا بحق _ و من حال أهلها المتلونين دائما ..

أدركت حقا أن سعادة الانسان فى الاجتماع بأقرانه .. بالاطمئنان عليهم .. بسماع صوتهم .. بمتابعة أخبارهم .. و انعكس أمامي تجلي عظمة الآية القرآنية الكريمة " يا أيها الناس انا خلقناكم من ذكر و انثى و جعلناكم شعوبا و قبائل لتعارفوا "

و ان كان الأمر لايخلو من تلك الرغبة التي تداعب فكري وقت الضيق بين الفينة و الأخرى بضرورة اعتزال هؤلاء البشر .. و الاختلاء بنفسي .. لأنعم بقسط من الراحة النفسية و الفكرية " فان لبدنك عليك حق " .. ليس من أجل لذة الراحة أو رغد العيش .. بل من أجل شحذ الهمم و ترتيب الافكار و الاستعداد للجولة القادمة في خضم تلك الحياة

نعم .. فحياتنا في هذه الدنيا ما هي الا ملاحم متتابعة .. لا تكاد تفرغ من احداها حتى تجذبك الأخري اليها جذبا شديدا .. تأخذك في غمارها .. و تغوص بك في العمق .. فاما أنك سباح ماهر ستصارع الموج حتى تصرعه فتكون ممن قال فيهم الحق تبارك و تعالي " و الذين جاهدوا فينا لنهدينهم سبلنا " .. أو انك ستستسلم و تسلم جسدك لتلك الأمواج الهائجة .. تفتك به يمينا و شمالا لتمزق منه ما تشاء ..فتسلبك الارادة .. و تسلبك العزيمة .. ثم تسلبك روح الايمان .. فتكون النهاية هي " بئس القرار "

كم هي ثقيلة تلك الأمانة الملقاه على عاتقنا _ نحن البشر _ كم هي أمانة عظيمة في قدرها .. كبيرة فى الوفاء بحقها .. حملها كل واحد منا و لم ينتبه الى انه محاسب عليها حسابا عسيرا " يوم لا ينفع مال ولا بنون الا من أتى الله بقلب سليم "

نعم .. حملها الانسان و غفل تماما عن قدرها و مغزاها .. حملها و لم يلتفت حق الالتفات لحقها عليه .. حملها الانسان " انه كان ظلوما جهولا "

لا تجبر الانسان ولا تخيره

يكفيه ما فيه من عقل بيحيره

الى النهارده بيطلبه و يشتهيه

هو الى بكرة حيشتهى يغيره


و عجبى

جاهين