Monday, December 29, 2008

سنسأل عنها

تحديث



وصلنتى الرسالة التالية عبر الفيس بوك من ياسمين :

places where you can donate for gaza..
To members of خدمـة مجانيـة مـن دار الأفتـاء المصريـة ..

اسم المؤسسة
لجنة الإغاثة والطوارئ - اتحاد الأطباء العرب
الدولة
(مصر)
البريد الإلكتروني
info@ghawth.org
العنوان
42 ش القصر العيني, القاهرة
الرقم البريدي: 11562
جمهورية مصر العربية.
رقم الهاتف
(+202) 27961792
رقم الفاكس
(+202) 27940518
ــــــــــــــــــــــــــ
ــ

اسم المؤسسة
وقف رعاية الأسرة الفلسطينية واللبنانية - وفرة
الدولة
(لبنان)
البريد الإلكتروني
Wakf_osra@hotmail.com
Wakf_osra@yahoo.com
العنوان
بيروت – 60368-14
رقم الهاتف
746310 - 1 - 00961
751176 - 1 - 00961
رقم الفاكس
746311 - 1 - 00961
________________

اسم المؤسسة
صندوق الزكاة في لبنان- عطاء
الدولة
(لبنان)
البريد الإلكتروني
info@zakat.org.lb
العنوان
ًص. ب: 113/5901 بيروت لبنان
رقم الهاتف
009611860421-009611861604
رقم الفاكس
009611810985
_______________

اسم المؤسسة
لجنة الإغاثة الإنسانية للعون
الدولة
(فلسطين)
البريد الإلكتروني
ali@egatha.com
العنوان
الناصرة -ص ب 20059
رقم الهاتف
6082095
رقم الفاكس
6082095 -04
_________________


اسم المؤسسة
الجمعية الإسلامية لإغاثة الأيتام والمحتاجين
الدولة
(فلسطين)
البريد الإلكتروني
igatha@igatha.com
العنوان
المكتب الرئيسي بكفر قاسم
رقم الهاتف
++972-3-9379826
رقم الفاكس
++972-3-9370153
________________


اسم المؤسسة
الجمعية المحلية للخدمات المجتمعية
الدولة
فلسطين
البريد الإلكتروني
lass_2000@hotmail.com
lass@lassweb.com
العنوان
فلسطين- قطاع غزة
المحافظة الوسطى
مخيم المغازي - بلوك B
رقم الهاتف
2554177-8-00972
رقم الفاكس
2554177-8-00972
_________________


اسم المؤسسة
جمعية إشراقة الخيرية
الدولة
فلسطين
البريد الإلكتروني
eshraqah2006@gmail.com
العنوان
غزة - مدينة بيت حانون
رقم الهاتف
+97...
رقم الفاكس
+970-8-2459975
__________________


اسم المؤسسة
هيئة الإغاثة الإسلامية
الدولة
إنجلترا
البريد الإلكتروني
queries@islamic-relief.com
العنوان
رقم الهاتف
004...
_______________

اسم المؤسسة
جمعية عطاء غزة الخيرية
الدولة
فلسطين
البريد الإلكتروني
webadmin@givegaza.ps
العنوان
غزة- الرمال، عمارة حجي - الطابق الأول، شارع الميناء
رقم الهاتف
+97...
_________________


اسم المؤسسة
الهيئة الخيرية الإسلامية
الدولة
الكويت
البريد الإلكتروني
info@iico.net
العنوان
الصفاة - الكويت
P.O. Box 3434
13035
رقم الهاتف
808300
رقم الفاكس
5397704
__________


إتحاد الأطباء العرب
لجنة الإغاثة والطوارئ

القاهرة:42 ش القصر العينى -دار الحكمة ت/27961792
مدينة نصر : 7 ش على أمين-تقاطع ش الطيران بجوار المخبز الآلى ت/24019369
الأسكندرية: 22 شارع بورسعيد - الشاطبى
ت/ 035907590
موبيل/0103226244

للتبرع عن طريق التحويلات البنكية:
رقم الحساب : 0/1/21090 بنك قناة السويس-الدقى

أو CIB البنك التجارى الدولى
10/90002914

ليصلك المندوب فى حالات المبالغ الكبيرة نسبيا :
موبيل/ 0104002121

اتبرع لغزة اعمل خطوة ايجابية هما في أشد الحاجة ليها .. ممكن فلوسك هي اللي تساعدهم

المجلس الاسلامي العالمي للدعوة والاغاثة - القاهرة
002...
002... هاتف:
002024092823 فاكس:

لجنة الإغاثة الإنسانية / نقابة الأطباء
00202-7963685
7943166 هاتف:
00202-7962751 فاكس:

بنك فيصل الاسلامي
رقم الحساب: 187460 حساب تبرعات

1-
لجنة الإغاثة و الطوارئ اتحاد أطباء العرب

عنوان المقر الرئيسى :22 شارع القصر العينى – دار الحكمة – القاهرة

تليفون :27961792 , 27940518

خط ساخن 0104002121

مقر آخر بمدينة نصر : شارع على آمين – بجوار المخبر الآلى ومطعم البرج

تليفون 24019369



الأسكندرية :22 شارع بورسعيد – الشاطبى

تليفون: 5907590

عنوان آخر : 373 شارع جمال عبد الناصر – العصافرة

موبايل: 0100545152

ارقام حساب

بنك قناة سويس فرع الدقى : حساب رقم

0/1/21090

البنك التجارى الدولى cib

فرع المبتديان

رقم الحساب


109002914
لو المبلغ كبير يمكنك الإتصال بهم فيصل إليك مندوب إن شاء الله

ولو مبلغ مش كبير يُفضل الذهاب الي مقر دار الحكمة فى القاهرة أو فى مقر الجمعية فى الإسكندرية

2-

وهناك جمعية منابر النور التابعة للحاجة منى صلاح بارك الله فيها

العنوان : 59 شارع طنطا - العجوزة -المهندسين

تليفون :33449198

تليفون الحاجة منى صلاح : 0106088040

إن شاء الله سيتم إرسال قوافل عن طريق الجمعية بعد اربعة أيام تقريبا





للاتصال بغزة:

* توجه إلي أقرب سنترال أو كابينة تليفون أو من أي تليفون محمول.
* اطلب كود فلسطين (00970) + كود غزة (8).
* اطلب سبعة أرقام بشكل عشوائي علي أن تبدأ بثلاثة أرقام من الأرقام الآتية ( 213 -205 – 206 – 282 – 283 – 284 – 286 ).
* احرص علي أن تتصل ولو لدقيقة واحدة وتخيل لو أن كل مسلم أدخل السرور علي أسرة فلسطينية ودعم صمودها.
* لا تيأس من المحاولة فهذا أقل ما يمكننا أن نقدمه ... قبل أن تنقطع الاتصالات





برجاء نشر الرسالة لأكبر عدد ممكن
ومن لديه أي عناوين أخرى للمساعدة برجاء إرسالها أيضا


( بصراحة موضوع الاتصال التليفونى بأهل غزة ما جربتهوش قبل كده بس لو طلع صحيح فعلا حبلغكم باذن الله )


___________________________


تحديث




وصلنى عبر الفيس بوك الرسالة الاتيه من عبد الله


دى قائمة باسماء ادوية ومستلزمات طبية محتاجينها فى غزة ودى طلباتهم يا جماعة هما فى

فلسطين اللى بعتوها لنقابة الاطباء فى اسكندرية

lasix- amp


aspgic- vial


lanoxin- amp


tridil- amp


indral- amp


K- amp


oxybral- amp


dicynon- amp


cyclokapron- amp


calcium gluconate- amp


dexamethazon- amp


farcoline (for nebulizer)


atropine


cordarone


isopten


aminophylline


solucorti


flagyl- infusion


xylocain- infusion


mannitol


atrovent inhalation

محاليل بانوعها (جلوكوز-ملح-رينجر )معروفة فى الصيدليات


glucose - normal saline - ringer

مستلزمات طبية هامة جدا


c.v.s lines


canula كانيولات


اكياس جمع بول


انابيب معدة


قساطر متنوعة


اجهزة محاليل


شاش - بلستر - دريسنج - قطن - رباط ضاغط - جبسونا - خيوط جراحية

الناس بتموت ومحتاجين أدوية كتير اوى احناعاوزين رجالة وبنات فى كل مكان وكل مدرسة

وكل جامعة عاوزين رجالة بقا تبعتوا الايميل ده وتجمعوا من كل اللى تعرفوه


النقابة مفتوحة يوميا لاستقبال التبرعات ارجوكم اتحركوا


يا رب انصرنا على انفسنا حتى ننتصر على اعدائنا

0161034510

جمعية حدد هدفك

ياريت يا جماعة اللى يقدر يساعد يتصل على الرقم المكتوب فى

الموضوع

جزاكم الله خيرا


_________________



تحديث









وصلنى على الفيس بوك اليوم 2 / 1 / 2009 رسالة من أحمد عادل من مويك نصها الاتى :

S.A.
in sha2 Allah we will all go to "Ma3had Naser hospital" on saturday @ 4:30 to visit the palestinians there.
plz if u want to come msg me on (010 66 10 161)
plz send me the confirmation by friday max.
p.s. donations are accepted (money or clothes)

يا جماعة فى مجموعه من مويك حتروح مستشفى معهد ناصر يوم السبت القادم الى هو 3 /1 / 2009 الساعة الرابعة و النصف عصرا لزيارة المصابين الفلسطينيين ممن تم نقلهم الى مصر
فى حالة الرغبة فى الذهاب معهم فضلا التأكيد بارسال رسالة لأحمد عادل على الموبايل التالى 0106610161


التبرعات مقبولة فى اى شكل سواء نقديا أو ملابس



____________________________________________



فضلا نسألكم الدعاء لأهل غزة

و التوجه للتبرع و لو بالقليل لهم فهم فى أمس الحاجه اليه الان

تقبل التبرعات بايصال رسمى بمقر لجنة الاغاثة و الطوارىء التابعة لاتحاد الاطباء العرب

المقر الرئيسي : دار الحكمة 42 شارع القصر العيني

ت : 0108844402 - 7961792

فاكس : 7940518

فرع مدينة نصر : 7 شارع على أمين - الحى السابع - بجوار المخبز الالى - مدينة نصر

ت : 4019867 - 4019369

فرع الاسكندرية : 373 طريق جمال عبد الناصر - العصافرة

ت : 0101930344

حساب رقم 21090 بنك قناة السويس - فرع الدقى - القاهرة






المقاطعة ربنا يكرمكم مهمة جدا دلوقتى

الموقع ده فيه تغطية لأغلب البضائع الامريكية


وصلنى عبر موقع الفيس بوك خبر أن : البنك القومى بيجمع اكياس دم لصالح غزة مكان المركز القومى 51 ش وزارة الزراعة بالعجوزة

تليفون : 37620202





Thursday, December 25, 2008

ما بين الهم و الهمة





ما بين الهم و الهمة

حادثتنى نفسى
و هدانى فكرى
الى حكم خفية
و أنوار ربانية
اهدانيها ربى
وكان اختبار
فاما ثبات
و اما انهيار
فابى الايمان الا و ان يثبت
و ابى القلب الا و ان يصدق فعل الايمان
فخرجت الى النور كلمات
من وحى ايمان ربانى
و صفاء انسانى






ما بين الهم و الهمة

لا تتحدث العلامات عن نفسها .. بل يحدثنا عنها رب العزة من رزقنا بها ..
فهى لا تدرى بكونها علامات على دروب الاخرين

***

ما بين الهم و الهمة

ليست تاء .. و انما نور الهى يسرى
ينير لنا الافاق المظلمة أمامنا
يقوي بالايمان بصائرنا
يعيدنا الى صوابنا .. الى رشدنا

***

ما بين الهم و الهمة

دروس ربانيه نتلقاها .. تعد بناءنا
كى يقف حصينا على الدرب
لنقوى على المسير
فالدرب صعب .. و الهدف الاعظم ليس بالأمر اليسير

***

ما بين الهم و الهمة

اختبار لما تكتنفه جوارحنا
لما نطويه بداخلنا
اختبار يهز كياننا
يبدد أوثان الظلمات بنور
فانها لا تعمى الابصار و لكن تعمى القلوب التى فى الصدور


***




ما بين الهم و الهمة

اقرأ
و تمعن
و افهم

"
و لنبلونكم بشىء من
الخوف و الجوع و نقص من الاموال و الانفس و الثمرات و بشر الصابرين ، الذين اذا اصابتهم مصيبة قالوا انا لله و انا اليه راجعون ، اولئك عليهم صلوات من ربهم و رحمة و اولئك هم المهتدون

"


***




ما بين الهم و الهمة

بلسم ربانى
و شفاء قرانى
يتغلل بأعماق النفس
ليمحو عنها ما بها
يلف جوانب الفكر
فيضع عنه اثقاله
يجمل المظهر
و ينقى الجوهر
ويعلم القلب
بأن يحسن ظنه فى الكرب
برب العزة و انعم به رب



***





ما بين الهم و الهمة

تربية ربانيه
تذيب ثلوج النفس
تصهر شوائب الحس
تسمو بالروح
و تعلم الفرح
بقدر كان مخطوطا
و قضاء بات مفعولا
تعيد تكوين الانسان
ليخرج بعدها أفضل مما كان

***

ما بين الهم و الهمة

نتعلم صبرا
و نجانب وزرا
و نلزم ذكرا
و قبلها ثقة
بأنه سيكون بعد عسر يسرا

***

ما بين الهم و الهمة

نتعلم بأن القوة بعد الايمان بالعزم
و ان فصل الامور بالحزم
و ان الحق نور
و ان النور ضياء و برهان
نتيقن بأن من لم يجعل الله له نورا فما له من نور


***





ما بين الهم و الهمة

تسليما لله بكامل الالوهية
و تقديسا له بكامل الربوبية
و تعظيما لذاته
و فهما لصفاته
طمعا فى جناته
و رجاء بعفوه
و دعاء بصفحه
و أنسا بقربه
و فرحا بحبه


***

ما بين الهم و الهمة

رضا بالقضاء
و صبرا على الابتلاء
يقوم سلوكا
و يزيد ايمانا
و يبنى انسانا
يزيح عنه ستار الكرب
و يكمل مسيره على الدرب
فيشحذ همما
ويمضى قدما
يبنى مجدا
و يعلى حقا
و يؤدى امانة
فيسكن نفسا
و يهدأ قلبا
و يستريح جسدا
و يقنع انسانا
علم بان الله خالقه
و ان الله مالكه
و ان ماله فى أمر نفسه من شىء

انسانا
علم بان رزقه لن ياخذه غيره
فسكن روعه
و اطمأن قلبه
و انتقل بفضل من الله و نعمة
من حال الهم
الى حالة الهمة

:)






ملحوظة : لا أدعى بأى شكل من الأشكال أن المكتوب أعلاه يعد شعرا .. هى فقط كلمات كان لابد لها من الخروج .. فخرجت على هذا النحو


Sunday, December 21, 2008

صدق أو لا تصدق





صدق أو لا تصدق

المصرية للاتصالات لسه ما جابتش خدمة الدى اس ال لحاد دلوقتى !

صدق أو لا تصدق

المصرية للاتصالات مش عارفين الخدمة ممكن تيجي امتى !!

صدق أو لا تصدق

الحكومة نقلت الخطوط لسنترال غير مجهز لاستقبال خطوط لديها اشتراكات دى اس ال !!!

صدق أو لا تصدق

حل الازمة : بيعيدوا تجهيز السنترال كله من أوله لاخره علشان خدمة الدى اس ال !!!!

صدق أو لا تصدق

شفت نملة فى المطبخ من كام يوم مع اننا فى اواخر شهر 12 !!!!!


Thursday, December 4, 2008

كل سنة و انتم فى أحسن حال :)


السلام عليكم و رحمة الله و بركاته

ازيكم جميعا ؟؟ وحشتووووووووووونى جدااااااااا بجد

كنت مفتقداكم أوى الفترة الى فاتت

بس قبل اى حاجه .. شكرا لكل الى سأل عليا فى فترة غيابى عن تلكم المدونة .. و أخص بالشكر

وضاح

كفايه طيبة

بجد سؤالكم عليا فرق معايا نفسيا جدا .. جزيتم خيرا كثيرا :)

طيب

معذرة عن غيابى الفترة الى فاتت دى بس القصه و ما فيها ان الحكومة المصرية اذ فجأة كده و الله و على غفله قررت تعملنا تغيير فى ارقام التليفونات اجباريا

يعنى اذ خير اللهم اجعله خير كنا قاعدين فى البيت فى يوم من ايام ربنا لا بينا ولا علينا لقينا التليفون بيرن و السنترال بيبلغنا ان نمرتنا الموقرة حتتغير علشان بيضموا سنترالات على بعض !!!!!!!

المهم من ساعه ما تم العمل بالنمرة الجديدة و الدى اس ال فاااااااااااااااااااااااااااااااصل :( :( :(

و الحياة مع الدايل اب عذاب

فللأسف مش عارفه ادخل هنا ولا اكتب اى حاجه خالص

بس بما ان المصرية للاتصالات " بتاعت شبكة واحده تقربنا كلنا " قررت بكل جد و اجتهاد ان خدمة الدى اس ال مش حترجع الا بعد العيد و مش مهم مصالح الناس تتعطل ولا تولع حتى .. فكان لازم ادخل دايل اب مخصوص و اقولكم كل سنة و انتم طيبين و بكل خير يا رب :)

ادعولى ان الدى اس ال يرجع بسرعه ..

و الى ان تحدث تلك المعجزة و يحنّوا علينا و يجيبولنا الخدمة من تانى

اسألكم الدعاء فى هذه الايام المفترجه بكل حاجه كويسة تيجي على بالكم و خاصة بقوة الايمان و قوة العزيمة و التثبيت

القاكم على خير باذن الله :)



Tuesday, October 14, 2008

فضفضة جوانية 8/6





حينما نظرت الى المئذنة .. وجدتها تخترق الظلام الذى قد لف السماء ..

و جدتها تقف فى شموخ .. تثبت وجودها بقوة .. تنير المساحة التى حولها بنور هادىء لطيف .. يفقد القمر الذى يقف بجوارها فى الفضاء السرمدى هذا بهاءه اذا ما قارنته ببهائها ..

أخذتنى و حلقت بى الى اعلى .. شعرت بأننى ارتفع عمن يقفون حولى مكتظين فى الميدان .. تداخلت مشاعرى .. و شعرت بمزيج غريب و جميل من الرهبة و الأمل و الرجاء و الارتياح ..

حينما رفعت بصرى اليها وجدتنى أتذوق حلاوة الانتماء لهذا الدين .. أحسست بأنى أمتلك الدنيا بأسرها ..

أيقنت بروعة الايمان .. توافدت الى قلبى الكثير من المعانى التى تحمل فى طياتها رقى ما بعده رقى .. و جمال ما يفوقه جمال .. و أفقت على دمعات تأبى الا و ان تتركنى لأعيد النظر الى السماء التى تعلونى .. تلك السماء التى كانت تتلو على فى هذه اللحظة قول الحق تبارك و تعالى : " و من يتق الله يجعل له مخرجا و يرزقه من حيث لا يحتسب " ..

نعم سمعتها .. و وجدت قلبى يتلقى هذه التلاوة بابتسامة رضا كدت أن احسده عليها .. ثم سمعته يردد حينها " رضيت بالله ربا و بالاسلام دينا و بمحمد صلى الله عليه و سلم نبيا و رسولا "

كان حوارا ايمانيا نقيا .. استمر لعدد من الدقائق البسيطة .. و لكن كان لها عميق الاثر فى نفسى .. لم تكن كأى دقائق مرت على من ذى قبل ..

يالروعتها

و يالعظمتها شأنا ..

و ما أجلها للعبد مكانا ..

و ما ذا الذى يفضلها نعمة ..

تلك التربية الربانيه .. التى ينير الله بها قلب عبده ..

تلك التربية التى يعلم رب العزة متى يوجه بها قلوب الحيرى فى دروب هذه الدنيا حتى لا تطبق عليهم انيابها ..

طوق النجاة الذى تجده بالقرب منك حينما تهم أن تعصف بك أمواج التذبذب عن الحق

تلك التربية الربانيه الرائعة .. التى تتلو عليك فى كل لحظة و تلح عليك بالتلاة علك تفيق قول الحق جل و علا " و نحن أقرب اليه من حبل الوريد "


حقا لا يعلم تدابير ربك الا هو .. و لا يعلم الحكمة منها الا من فتح الله عليه بسرها


انها حقا نعم متجددة .. بل هى متواليه .. لا بل غامرة ..

لابد لها ان تلق قبولا بالقلب .. و تصديقا فى العمل

الهى .. انعمت فأكرمت .. و عصُيت فصفحت .. و لجأت اليك فأجرتنى .. و رجوتك فأكرمتنى

رب اجعل نفسى و قلبى دائما طيعين لحكمك .. راضيين بقضائك

و اجعل اعدادك لى نورا يضيء دروب حياتى فى كل مرحلة

امددنى بالبصيرة حتى أرى نور تدبيرك لى

و مُدنى بقوة العزيمة حتى أصبر على المنح فى صورة المنع

رب لك الحمد كما ينبغى لجلال وجهك و عظيم سلطانك

اللهم مُن على شباب المسلمين و بناتهم بنعمة الرضا بالقضاء

و الصبرعلى الابتلاء

و القوة فى سبيلك انك
قدير على ما تشاء


Wednesday, October 8, 2008

سنة كاااااااااااااملة :)





سنة كاملة مرت على خروج هذه المدونة للنور


يااااااااااااااااه .. حسيت كأنى بشوف فيلم قصير لما قعدت افتكر البدايه كانت عامله ازاى

فاكرين لما قلتلكو هنا قبل كده ان كلمه بسيطة اوى ممكن تغير حياه اى فرد مننا بالكامل ؟؟

هو ده الى حصل معايا بالظبط فى موضوع المدونة

البدايه كانت من موقع كل الطلبة .. طالبة عاديه خالص مشتركة فى الموقع زى اى حد تانى

فى حرب لبنان فى 2006 كان دمى محروق شوية من حاجات بتحصل هناك .. فقلت نكتب الى فى نفسنا يمكن الاقى حد يفكلى طلاسم الى بيحصل ده .. فكان ده اول موضوع تقريبا بمعنى موضوع ينزلى فى الساحه هناك

و بعدين توقفت فترة كبيرة اوى .. لحاد ما فى مرة لقيت مروة محمود جايه تقولى فى الكلية

هبة هو انت بطلتى تكتبى ليه ؟؟

فاجبتها بالصمت و الابتسام و حبه كلمات يائسه كده

فقالتلى : لا ارجعى اكتبى تانى انت اسلوبك حلو اوى

بصراحه الكلمتين دول شقلبو حاله اليأس الى كنت عايشاها و حولوها لحاله من النشاط العجيب

فكملت كتابه فعلا و كتبت اول موضوع بعد التوقف الى حصل ده كان بعنوان أقنعة الحملان

و بعدين توالت الموضوعات بقى الى اتكتبت على الساحه فكانت

المتهم البرىء

الراى و الرأى الاخر

دموعى تخنقنى

خواطر ذاتيه


و أخيرا كان أنت لى كما أحب :)


بعد مرور عام كامل على انشاء تلكم المدونة التى بين ايديكم .. احب جدا انى احتفل بيها بشكل خاص شوية

عالم التدوين الى دخلته من ايام قليله .. قابلت فيه ابداعات من مدونين اثرت فيا اوى ..

كلام يتاقل بالذهب .. و افكار تحترم جدا .. و عقول ناضجه .. و شخصيات احسبها على خير

حبيتكم تشاركونى قراءة هذه الموضوعات الى شدتنى جدا .. ارجو انها تنال اعجابكم .. و اقدم كل تحيه و تقدير و احترام لاصحابها على ما خطت ايديهم :)


لانها فتاة فيجب ان ترها قارورة !! .. " شيوعى حتى النخاع "

عايزين نزق الاتوبيس .. عمر الجارحى " أيام من حياتى "

فى يوم قلت آه و القمع فى الصغر كالنقش ع الحجر و عنها تلك التدوينة و عن الحضارات و القيم .. " نجوم الحيرة "

" Just Humans" مشكلات أطفال .. محمد عبد العاطى

نعم متجدده .. محمد امام " لافتات وضاح "

علمنى الحكمة .. عمرو طموح " الأمير الصغير "

لا توقف ساعتك أبدا .. عبدو ابن خلدون " السيميائي "

وا مصيبتاااااااه .. سفاح كرموز " طرطشه افكار "

"Hyper minds"
عمرو صبحى .. wall-E review

أكيد حيبعتلك حد .. المجاهده " جسر التواصل "

.. أنس طلبه" آخر كلام " I wish & True Love

العاجيون و الفيديون ده كان وش السعد عليا .. ابن رفعت " مطبات "

علموا انفسكم التمرد و الدهشه و رمى الاحجار .. مجدى سعد " يالا مش مهم "

قلب ابن .. أبو نضال " اشراقه قلم "

كفايه جراح و مرسال لحبيبتى و كله قابض .. أشرف توفيق " أخف دم "


فى تدوينات تانيه بس للأسف مش متذكرة لينكات المدونات ولا اسماء المدونين .. بس كانوا كاتبين كلام جامد جدا

ربنا يكرمنا و اياكم .. و كل سنة و المدونة بتاعتى طيبه و تضيف ليكو حاجه مفيده :)


Tuesday, September 30, 2008

Wednesday, September 10, 2008

كلام مهم






مهم تتابعو حلقات البرنامج ده جدا

بيقول كلام مهم .. و كلام لازم يوصل لكل الشباب

مش مجرد قصص بتتحكى .. لا الموضوع اكبر من كده بكتير

بصرف النظر عن اتفاقنا او اختلافنا حول شخص " عمرو خالد " .. بس السنة دى الكلام الى بيقوله بجد مهمممممممممممم

تابعوه ..


" ساعات البرنامج بيتأخر عن الميعاد المكتوب 15 دقيقه "



برنامج قصص القران

يعرض علي قناة المحور والرسالة

الساعه 11:00 مساءا بتوقيت مكة المكرمة

والساعه 10:00 بتوقيت القاهرة

ويعرض على قناة ابوظبي

الساعة 6:15 بتوقيت السعودية

والاعادة علي قناة المحور بعد العصر


Saturday, August 30, 2008

كل عام و انتم بخير :)



بمناسبة قرب حلول شهر رمضان المعظم
افتكرت الفيديو الى تحت ده ..

دورت عليه فى الايميل عندى و فتحته
.. كانت اهديتهولى احدى معارفى من عالم الانترنت الواسع من روسيا فى سنة من السنين بمناسبه رمضان برضه

حبيت اهديهولكم النهارده فى نفس المناسبة العطرة


جعلنا الله ممن يتمون صيامه و قيامه و ممن يرزقون خيرا كثيرا فى ليلة القدر :)



ملحوظة : اللغات الى موجوده فى الأغنيه : الانجليزي و العربي و التركى و الالمانى

بس أحلى حاجه فى الفيديو ده الراجل الى بيساعد زوجته فى المطبخ الصراحة :D







Wednesday, August 20, 2008

عبر الطبيعة



الفيديو الى تحت ده شفته بالصدفة البحته خالص على اليوتيوب



من فضلكم كل واحد يشوفه للاخر خااااااااااااااالص


و يقولى رأيه فيه .. و طلع منه بايه :)


و انتو بتتفرجو عليه تابعوا كده تعلقيات الناس الى كانت بتصور :)



و باذن الله حيكون لينا عليه تحليل و مناقشه فى مرة تانيه بعد ما اقرأ تعقيباتكم










Monday, August 18, 2008

توضيح بسيط



الى جميع الاهالى الكرام

الى اهالى البلدة و البلاد المجاورة

و النجوع و الكفور

و كل حته ممكن اهلها يبصو عندنا هنا فى هذا المطرح

ايها القوم .. اسمعوا و عوا

يا جماعه الايميل اللطيف بتاع المدونة الى محطوط فى البروفايل بتاعى ده .. حضرتى مش بدخل عليه علشان اعمل اى نوع من اى

chat

مع اى حد

الايميل معمول علشان اسمع من الزائرين الكرام تعقيبات ممكن عايزين يبعتوها على الميل

اراء فى اى حاجه تخص المدونة و ما تحويه

ملاحظات على حاجه معينه

كده يعنى

م الاخر

الميل بادخل عليه اشوف صندوق الرسايل الوارده

او

the inbox

و خلاويص على كده


باعتذر لاى حد كان ضافنى على الميل ده و انا ما ضيفتهوش

باعتذر لاى حد كان متوقع انه حيقدر يعمل " تشات مع حضرتى من خلال ذلك الميل " و ما حصلش

باعتذر للناس الى بادخل الاقيها باعتالى رسايل اوفلاين و مستنيانى اضيفهم و ما بيحصلش


بس حبيت اوضح الغرض من الايميل الخاص بالمدونة للجميع .. علشان ما حدش بس يكون زعلان او اى حاجه :)


Tuesday, August 12, 2008

التحزب و التشيع




أختى : شوفتى الى حصل ؟؟


حضرتي : خير فى ايه ؟؟

أختى : مش جالنا فى المدرسة مدرس من السلف !!!

حضرتى : طب و ماله يعنى


أختى : المدرسين حيطلعوا عينه

حضرتى : ليه يعنى ؟؟؟

أختى : ليه ايه يا بنتى !! انت ما تعرفيش


سموى : ما اعرفش ايه بالظبط ؟؟

أختى : الاخوان ما بيقبلوش السلف ولا السلف بيقبلوا الاخوان

سموى بعد دهشة فاقت كل التوقعات : لا و الله !! و ده ليه ؟؟ بيجي من ايه بقى ان شاء الله ؟؟


.............


كانت هذه هي أول مرة يتسني لى معرفة تلك الحقيقة " التي لا تقبل الشك " كما أدركت من تعبيرات وجه أختى بأن " الاخوان ما بيقبلوش السلف ولا السلف بيقبلوا الاخوان !!!!! " .. كما كانت هذه ايضا هي القشة التي قصمت ظهر البعير

على مدار سنوات عمرى البسيطة أسمع بشكل شبه مستمر تسميات كثيرة يختزنها عقلى و تحتفظ بها ذاكرتي دون ان أفرق بينها تفرقة حازمة أو نهائية .. لم أكن ادرك حينما بدأت اذناي التقاط تلك التسميات ان الفارق بينها يمكن أن يصل يوما لحد التكفير كما أخبرتني بعد ذلك احدي صديقاتي .. ( اينعم التكفيييييييييييير الى هو بيخرج من الملة ده .. لا و ايه استنادا لنصوص من القران الكريم !!!! يعنى مش اى حاجه بالصلاة ع النبى .. تخصص برضه :( )




اختلاف أم تعارض أم تصادم و محاربة ؟؟






عندما أخذت أتفكر قليلا فيما هو كائن من حولى و متعلق بتلك الظاهرة المفزعة _ و هي مفزعة بحق _ وجدت ما يلي :


الاخوان المسلمين - السلف أو أهل السنة والجماعة - الوهابية - المتصوفة - أهل التبليغ و الدعوة - الشيعة

كلها مردودة الى الاصل الاسلامي .. و كل من ينتمى اليها تجمعهم صفة الاسلام

الغريب و المفزع في الوقت ذاته أن تلك الجماعات / الاحزاب / الشيع / الفرق / الكيانات " أو سمها ما شئت " غابت عنها تلك الحقيقة كما يظهر من ما سمعت و ما قرأت عن علاقات تلك الاحزاب مع بعضها البعض .. بل ان ما يحكم تلك العلاقات هو التضاد و ان اتخذ اشكالا و مستويات متفاوته منها ما يخفي تحت ستار " الأمر بالمعروف و النهي عن المنكر " و منها ما يتخذ الشكل العلنى الصريح .. و الذي بدوره ينطبع على كل المنتمين لشيعة معينه كل حسب انتمائه

الأدهي و الأمر هو أن من ينتمي في الغالب الأعم يحدث له نوع من التغييب الفكري المدروس .. بحيث تسلب منه ملكة التفكر و التفكير و يتحول بانسانيته الى مجرد اله أو ترس صغير يدور في دائرة كبيرة باستماتة و لا يعلم لماذا .. ( يتجلي ذلك في الكثير من المناقشات التي تدور بين اى من المنتمين لفرقة معينة و بين اى طرف اخر سواء كان منتم الى احدى الجماعات الاخرى او ليس له انتماء اطلاقا .. حيث تجد جليا افتقاد الحجة و التسلسل المنطقي للحوار او المناقشه والاعتماد الاساسى على طريقة الدفاع المستميت منذ بدايه الحوار حتى نهايته بصرف النظر عن لب الحوار ذاته )

احساس كل شيعة بانها هى المستهدف الوحيد من قبل الاخرين دائما .. و احساسها بالقهر بكل انواعه من قبل المحيطين دائما اكاد اجزم بان قليله صحيح و اغلبه مفتعل




وسائل و اليات أم أهداف مبتغاه ؟؟






أؤمن بأن كل من تلك الجماعات قامت حينما قامت كوسائل متميزة لتحقيق غايات مختلفة .. لتتفق جميعها فى نهاية المطاف علي رفعة لواء الاسلام و خدمة رسالته ..

تكمن خطورة الأمر فى أن تعاقب السنوات على تلك الكيانات و تبدل المنتمين اليها ( رحيل الجيل الأول المؤسس و تعاقب الاجيال من بعده ) تحيل تدريجيا تلك الوسائل الى اهداف فى حد ذاتها .. يسعى كل من يريد الانتماء اليها الى غاية " الانتماء و فقط " كنهاية و هدف منشود لا كوسيلة و آلية مطروحة

كما أن الاجيال التى تخلف الجيل المؤسس غالبا ما يقل فيها الاحساس بروح الفكرة المؤسسة و حماسة المؤسسين انفسهم و التى تمثل فى الاساس الوقود الذى به تسير تلك الوسائل فى طريقها لبلوغ الغاية المنشوده منها .. و هو ما يفقد تلك الوسائل فاعليتها و يصيبها بالجمود و يحيلها تدريجيا الى اهداف منشوده فى حد ذاتها

واقعنا اليوم يشهد على مآلات تلك الوسائل المأسوية .. و يعطى مؤشرات هامة جدا بصدد رد الفعل الأمنى تجاه تلك الوسائل و الذى تختلف حدته فى التعامل مع كل وسيلة باختلاف مستوى التردى الذى حل بها .. و ان كنت أؤمن بعمق الغباء و الجهل الملموسين فى تناول المواجهة فى هذه الاونة بالشكل الأمنى من الاساس !!!! فهى ان دلت فستدل على ان من يتعامل عسكريا مع تلك الوسائل " المتحولة " لا يفقه من الاصل بأن كياناتها قد خلت بالفعل من الجوهر ( الماده الفعاله ) الذى كان الأصل فى تحريك تلك الكيانات منذ البداية ..




ثقافة السفينة





فى حديث لاستاذى الدكتور سيف الدين عبد الفتاح عن تفصيل الحديث النبوى الشريف " حديث السفينة " نقلا عن مصطفى صادق الرافعى .. لفت نظرى أهمية الحديث البالغه فى اتخاذه مقياسا واضحا للحكم على واقعنا المهترىء الان .. نص الحديث كالتالى :

"مثل القائم على حدود الله، والواقع فيها، كمثل قومٍ استهموا على سفينة فأصاب بعضهم أعلاها، وأصاب بعضهم أسفلها، فكان الذين فى أسفلها إذا استقوا من الماء مَرُّوا على من فوقهم فآذوهم، فقالوا: لو أنا خَرَقْنا فى نصيبنا خرقاَ ولم نؤذِ مَنْ فوقَنا، فإن تركوهم وما أرادوا هلكوا جميعاًَ، وإن أخذوا على أيديهم نَجَوْا ونَجَوْا جميعاً"

ان تمثيل الجسد الاسلامى كسفينة هو حقا من اروع و اصدق التعبيرات التى يمكن ان تصل للذهن فى سهولة و يسر و يمكن للفرد القياس عليها بشكل واضح و بسيط ..

ان واقعنا من خلال منظور السفينة يفصح بانه قد تفرق اهلها كل قابع فى ركنه .. مجتمع بمن يشابههم فيها .. له حياته الصغيرة التى يتفاعل فيها بجد و اجتهاد .. يقتصر فى معاملاته مع التجمعات الاخرى على بعض الامور البسيطة .. و لا يخرج من دائرته الا فى القليل النادر .. تتمحور حياته حول جماعته و فقط .. تتسع جماعته فيظن خطأ بانه و شيعته ينتشرون فى مجتمع السفينة و يحققون انجازات متلاحقه .. و يغفل بان اتساع جماعته لم يخرج عن الحيز المخصص له فى السفينه .. حينما تنظر نظرة شاملة للسفينة كلها الان ستجد ان اهلها قد تفرقوا عن بعضهم البعض .. كل منشغل فى ركنه الخاص و فقط ..

هل يرجع هذا الى أنهم فقدو الانتماء لمجتمع السفينة الكبير ككل فبحث كل عن انتمائه فى نطاق من يشبهوه و فقط ؟؟

اذا كان الأمر كذلك الان فى السفينة .. فان هذا هو الخطر الحقيقي الذى ستؤتى منه الامة ان لم يكن عدوها قد بدأ بالفعل فى ذلك


على كل فرقة ان تعلم و تعى جيدا و تعمل بما قال الرافعي : " القانون فى السفينة هو العاقبة لا غيره فان أصغر خرق انما هو أوسع قبر "




محور الارتكاز " نقطة رجوع "





حينما تشعر كانسان مسلم بان هناك خلل ما فيما يحدث لك او ما يحدث من حولك أو تشعر بأنه قد غم عليك الأمر عليك فورا بالرجوع لنقطة تكون هى الأصل فى الانطلاق دائما .. تعمل لديك بمثابة محور الارتكاز الذى ستظل تعتمد عليه طوال مشوار حياتك

يمكن لتلك النقطة أن تكون ..

الهدف من خلق الانسان


معنى الاستخلاف فى الارض


معنى عمارة الارض


مهمة الانسان المسلم على ظهر هذه البسيطة


ما هي رسالة الاسلام


القياس على عهد النبوة


معنى الوسيلة و معنى الهدف


مراجعه مفهوم الولاء


في هذه المرحلة من المهم جدا أن تتحلى بالصراحه المطلقه مع الذات سواء فى الوقوف عند نقطة الارتكاز او عند قياس الواقع عليها

من المهم أن تتذكر " تركت فيكم ما ان تمسكتم به لن تضلوا بعدي أبدا .. كتاب الله و سنتي فعضوا عليهم بالنواجز "

و تذكر : " و تفترق أمتي علي ثلاث و سبعين ملة كلهم في النار الا ملة واحدة . قالوا : و من هي يا رسول الله ؟ قال : ما أنا عليه و أصحابي "

استشعر أهمية الهدف الذى تسعي له .. و اعلم بأن الوسيلة اذا اعاقت عن الوصول للهدف المنشود منها كانت مضيعة للوقت .. مجلبة للهم .. مفسدة للفكر

اعلم بأن الاسلام قد أتى ليعطي الانسان مكانته و يمنحه حريته .. الا فاعلم بأنك انسان حر .. حر فى التفكير .. حر فى الابتكار .. حر في اتخاذ القرار و حرفيما يصنع ..




نهضة الأمة




لن تقوم لهذه الأمة نهضة من جديد بل و لن يرفع عنها ما هي فيه من البلاء طالما أن اهلها تمذهبوا بهذا الشكل القاسي و تترس كل بمذهبه ..

الا فاعلم بأن وحدة الأمة هى نهضتها .. و أن اجتماع أهلها على كلمة الحق هو سبب زوال بلائهم

اعلم بأن الوسيلة ما هي الا مرحلة اما أن ترقى بك الى المرحلة التي تليها أو انها تهوى بك الى دروب التيه بعيدا عن هدفك الأعظم

اعلم بأنك اذا أردت أن تقيم فاعلية الوسيلة التى اتخذت فعليك ان تجيب أمام نفسك على ثلاث

لم ، و كيف ، و ماذا

لم اتخذت من تلك الوسيلة سببا فى بلوغك هدفك دون غيرها ؟

و كيف اخترت هذه الوسيلة أم انها هى التى اختارتك ؟

و ماذا فعلت بها من أجل الوصول لهدفك المنشود ؟

اذا وجدت فى نفسك اجابات صريحة مرضية على الثلاث السابقات .. فاعلم بانك قد اخترت أفضل ما يناسبك لبلوغ غايتك .. و اذا لم تجد فاعلم بان خلقك الله مخيرا .. فضلك بعقلك .. و أنار بالاسلام سريرتك

فاستبدل وسيلتك الدنيا بوسيلة خير منها .. اعمل على ابتكار ما يتوافق و واقعك من اليات لها من القدرة على النجاح ما لم يتوافر فى سابقاتها


اخلع عنك ردائك القديم البالى .. و تحرر من نير التترس و التمذهب و العبودية للوسائل

رددها عالية .. لن ينهض بالأمة مسلما اخوانيا ولا سلفيا ولا وهابيا ولا صوفيا ولا شيعيا

بل سينهض بها

مسلما ربانيا

فكن كذلك حفظك الله

و اتخذ قرارك اليوم لتنفع به امتك غدا


و احسم أمرك فان امتك لن تنتصر اذا ظلت ابناؤها تنتظر






___________________________________

ملحوظة : قبل الشروع في كتابة التعقيب .. فضلا اضغط هنا أولا



Tuesday, July 15, 2008

هو م البلد دى




شكلى كده مش حعرف انزل التدوينة الى حتخلل فى دماغى دى وحنقضيها
اعلانات صديقه بقى :P

ايوة حضرتك اعلان عن مدونة جديده .. يا ترى فى اى اعتراض مثلا !!!

مفيش ؟؟

طيب انا قلت كده برضه م الاول :)


يا ترى فاكرين
البوست ده ؟؟

كويس :)

الزميل الفاضل ع .ع و صاحب البوست برضه و الى كان نزل البوست ده على كل الطلبة قبل كده

و اخى الذى لم ارزق به

و الى كان مصمم على انه يبتعد عن ذلك العالم الغريب و المجنون تدوينيا

و الى فاجئنى بخبر دخوله عالم التدوين من غير احم ولا دستور فى مكالمة عادية جدا لقيته بيقولى فجأه و ربنا

" هبة انا عملت مدونة "


اذهلنى ذلك الخبر فى الحقيقة و بعد شوية كلام و حبه اسئلة عرفت الاتى

المدونة تحمل اسم انا م البلد دى





هو بيكتب باسم

Vendetta





و داخل حامى من اولها بسلسلة تدوينية تحمل اسم " هي دي مصر يا بهية "

لا حضرتك انا لسه ما اعرفش مين بهية الى هو بيكلمها دى .. بس حنعرف باذن الله :)



vendetta مبروك يا حضرة الـ

على المدونة .. و باذن الله تكون مدونة ناجحه و تفيد قراء كتيييييييييييييير و خاصه من الشباب



قولوا آمين :)


Friday, July 11, 2008

نجوم الحيرة



هو انا كنت ناوية " و أعوذ بالله من كلمة ناوية :) " انزل تدوينة تانيه خااااااااااااااااااااالص غير دى .. بس بصراحه ما قدرتش يعنى الخبر ده الاقيه منور صفحات النت و ما اعلنش عنه .. و ما اقولكوش عليه .. و ما أزأططش كمان
اه مبسوطة و مزأططة .. في ايه حضرتك ؟؟ يا ستار هو الواحد ما يعرفش يتبسط و هو طالب علوم سياسية !!

طيب بصو بقى .. م الاخر اصحاب مدونة نجوم الحيرة .. ايون نجوم الحيرة .. الى اسمها مشرف فى البانر هناك ده ..

مش ممكن !! لسه ما زرتهاش لحاد دلوقتى !!! ولا سمعت عنها حتى !!!

يبقى اسمحلى اقولك

فاتك من عمرك المعرفى كتييييييييييييييييييييييييير

بس ملحوقة يعنى

المهم ان الاتنين الجامدين صحاب المدونة يا جماعة عملولها " المدونة يعنى " اعادة تأهيل / ديكوريشن / ممكن تقول برضه نيو لوك .. خلوها حاجه جامدة كده

هى كانت جامده اصلا ..



بس دلوقتى بقت أجمد





مش بس كده

تؤ تؤ تؤ

كل واحد فيهم اخيرا عمل مدونة منفرده لشخصه الكريم

عمرو طموح الى قالى "التصميم بس " " علشان كلمته هى الى بتمشى " !!!!!!!!!!!!!!!!!!!!!!!!!

فتح له مطرح هنا






لا ما تستغربش خالص ..

ايون حضرتك قرات اسم المدونة صح

الامير الصغير

عادى طلبة العلوم السياسية ساعات بيمرو بظروف صعبه زى دى :P

عبدو ابن خلدون بقى
بيفرشله تلكم المنطقة الى لسه مش عارفه انطق اسمها لحاد دلوقتى اصلا :$ :$ :$

عموما اسمها فى التدوينة دى .. الى يعرف يفسرهولى يكسب فيا ثواب و يقولى

هي لسه ما اتفتحتش يعنى اى حد حيدخل حيلاقى ده فى وشه




هو الخبر بتاع تجديد المدونة بصراحه فضلت متنحه قدامه كده شوية .. ولو اى حد كان بص عليا ساعتها كان قال يعنى البنت اكيد جاتلها حالة من سيولة الانبساط الى نادرا ما تحدث خاصه في الاونة الاخيرة ..

هي نجوم الحيرة ستظل عملا مشتركا بينهما

بدأت بطموح لوحده هنا

ثم انضم اليه ابن خلدون بدايه من هنا

و كانت اول تدوينة ليه هنا

المدونة دى الواحد كان ليه معاها ذكريات كتير أوى .. و الواحد ارتبط بيها نفسيا و عاطفيا جدا بصراحه ..

تفهمو من كده ايه ؟؟
ايون بالظبط .. مش حفضل مشحططة نفسى بين 3 مدونات .. هى نجوم الحيرة و ممكن ابقى اشقر عند كل واحد منكم شوية يعنى

- - - - - - - - - - - - - - - - -

حاجه مهمة بس على جنب كده لعمرو من بنى طموح : الرائع فى المدونة الجديدة التصميم اصلا " تحس ان الى مصممه كده عنده خبرة راقية فى الالوان خاصه الجنزارى " :P

- - - - - - - - - - - - - - - - - -


بصو بقى انا لو قعدت اتكلم عن المدونة او اصحابها مش حخلص .. اكتشفوهم انتو بقى براحتكو


كفايه كده علشان وجعت دماغكو :)



مبروووووووووووك يا شباب :)

Monday, July 7, 2008

في الحكمة




دع الأيام تفعل ما تشاء


وطب نفسا إذا حكم القضاء


ولا تجزع لحادثة الليالي


فما لحوادث الدنيا بقاء


وكن رجلا على الأهوال جلدا


وشيمتك السماحة والوفاء


وإن كثرت عيوبك في البرايا


وسرك أن يكون لها غطاء


تستر بالسخاء فكل عيب


يغطيه كما قيل السخاء


ولا تر للأعادي قط ذلا


فإن شماتة الأعدا بلاء


ولا ترج السماحة من بخيل


فما في النار للظمآن ماء


ورزقك ليس ينقصه التأني


وليس يزيد في الرزق العناء


ولا حزن يدوم ولا سرور


ولا بؤس عليك ولا رخاء


إذا ما كنت ذا قلب قنوع


فأنت ومالك الدنيا سواء


ومن نزلت بساحته المنايا


فلا أرض تقيه ولا سماء


وأرض الله واسعة ولكن


إذا نزل القضا ضاق الفضاء


دع الأيام تغدر كل حين


فما يغني عن الموت الدواء




الشافعي