قاعدة بكتب بحث الآسيوي الى حيتسلم بكرة :(
بقيت عاملة زى اخينا الى فوق ده بالضبط
بقالنا 21 يوم مكثفين الشغل على مصادر البحث الى ما يعلم بيه الا ربنا ده و فى الاخر الحلو ما يمكلش .. حنقول ايه بقى !!! سياسة التعليم اللطشيفة :(
التداعيات المحيطة بالبحث فجرت لدى الباحثة نقاط كثيرة متعلقة بقضية التعليم العالي أوييييييييييييييييي فى مصر
" قلنا بكتب البحث بقى .. اعذرونا لازم السياسة تطلع " :(
معرفش ليه افتكرت ايام مدرستى تانى و كل حاجه جميلة حصلتلى فيها
المهم انى لقيتنى فاتحه الاغنية الى تحت دى و بسمعها
يمكن يكون ليها علاقة .. بس حاسه انها بتجسد الليلة كلها
دعواتكو بقى
4 comments:
في سبع بوستات فاتوني
المهم سلمتي البحث و لا ايه الأخبار
انا قريتهم .. متندميش علي شئ قدمتية
وتذكري انك كان عندك القدرة علي العطاء للناس دي
ربنا يعينك
إيه بحث الآسيوي ؟؟
ممكن تشاركينا بخطوط عريظة ؟؟ :D
هههههههه
إنك لفي رحمة يا هذه
أنا عندي ورقة النظرية معاد تسليمها فات من 24 ساعة و لسه بكتبها بالعربي و لسه هترجمها إلي لغة الفرنجة... دي حاجة
عندي بحث المصرية يوم الخميس، دي التانية
عندي بحث السياسة امتحان السياسة الدولية قاتلها الله يوم الخميس، دي التالتة
عندي ورقة السياسة الدولية، عاوز أسلمها آخر الأسبوع عشان ماضطرش أنزل الأسبوع الجي لو مفيش حاجة مهمة، دي الرابعة
عندي نقص في القدرات العقلية عن التعاطي مع هذا العك المنهجي التدريسي...
و لولا إني مبأذيش حد لكنت قلت إن أول ضحية للي بيحصل فيا هي دكتورة السياسة الدولية.. حسبي الله و نعم الوكيل فيها من هنا لحد ما يأذن الله...
و عموما... أعانك الله و سدد خطاكِ
أنا بس قلت أديكي أمل بحد حالته أتعس من حالتك ييجي سبعتلاف مرة كده
سلام و الدعاء موصول
السلام عليكم ورحمة الله و بركاته
محمد
الحمد لله سلمت البحث و كله تمام :)
بالنسبة للتعليق على فضفضه .. فانا مش ندمانه الحمد لله انا بس كنت فى ضيق شديد و صعبت عليا نفسي مش اكتر :)
ــــــــــــــ
وضاح
:D
شوف يا فندم
عندنا مادة اسمها " قاعة بحث "
انا اخترتها نظم آسيوية
بتختار فيها دولة آسيوية الموقع و العادات و الثقافة يعنى " شرق أو جنوب أو جنوب شرق آسيا " و بتختار حاجه تدرس جوه البلد دى حاجه معينة بس بشرط انها تكون تخص نظم الحكم مش اى حاجه تانيه يعنى المجتمع المدنى ، القيادة السياسية ، الصراعات الموجوده بالداخل ، الاحزاب ، التحول الديمقراطى فى الدولة ، التنمية السياسية و هكذا " مش علاقات دولية مثلا "
و بتقدم البحث بتاعك عن الى انت درسته ده اخر التيرم لان الماده مفيهاش امتحانات خالص
يعنى حضرتى مثلا كنت مختاره تايلاند
و اشتغلت فيها على الصراعات الاثنية
و اخدت دراسة حاله احداث العنف فى الجنوب من 2004 الى 2006
بس سلمناه و الحمد لله و اتعمل الى حد كبير كويس و اتبذل فيه مجهود خرافى الصراحهة
اتمنى انى اكون افدت حضرتك :)
ــــــــــــــ
طموح
:) بعد ما شفت الحالة الخاصه بكم على أرض الواقع ..
ربنا يعنك و يباركلك فى وقتك و تلحق تخلص ده كله و الويسترن كمان بشكل كويس
و يا رب تكون حليت كويس النهارده فى السياسة الدولية :)
Post a Comment