بصو يا جماعه .. الواحد محتاج تلحقوه بكام معلومه تكنولوجيه كده
جالى " وسم " من مها ..
يطلع ايه الوسم ده ؟؟ و ايه الفرق بينه و بين التاج ؟؟
طيب هيه قالتلى " ليك عندى وسم " .. طب أروح اخده انا ؟؟ و لا هوه حيتبعتلى ؟؟
طب الاقيه فين طيب ؟؟
طيب و بعد ما اخلص المطلوب منى فيه .. اعمل ايه بعد كده ؟؟ هل بمرره لحد ولا كده خلاويص ؟؟
و ان كنت بمرره لحد .. حمرره ازاى برضه ؟؟
يعنى كل الى عنده معلومة يقولها و له الاجر و الثواب :)
شكرا ليكم مقدما
7 comments:
ايه الوسم ده
اانا ياهبة يااوختشى عارفة التاج بالعافية
بتجيلى حساسية من الحاجات دى
ازيك يا دهاء
والله يا بنتى كان نفسى افيدك بس معرفش ايه الوسم ده
هوه غالبا هيطلع زى التاج يعنى
امال هيطلع ايه
(نظرية بردو)
لكن عزت اعلق على ضحكت اللى هيه التدوينة اللى قبل كده..هوه دلوقتى مفيش وقت اعلق على مضمونها لكن اللى كنت عاوزة اقوله ان كتابتك تشجع على القراءة يعنى كنت داخلة ابص بصى سريعة فقريت التدوينة للاخر..
بس بردو على السريع على الناس اللى بتحب تعيش نفسها فى الوهم
جزء كبير من كده هو هروب من الواقع الى مناطق اكثر حلما او رومانسية او..او..يعنى فى ناس متقدرش تعيش غير لما تحس انها جزء من قصة واحداث وفراق ودموع و..
السلام عليكم و رحمة الله و بركاته
همسات
منوره و الله :)
الفجرية
الحمد لله أنا كويسة .. بس حلوة النظرية بتاعتك دى .. حاخد بيها لو ما حدش رضى يقول اى حاجه تنفع فى الموقف ده :)
بالنسبة بقى لتعليقك على التدوينة الى فاتت " ضحكت "
ربنا يكرمك .. الكلام ده بيخلينى متحمسه لانى استمر فى الكتابة :)
انا معاك جدا ان ده بيكون احد وسائل الهروب من واقع مظلم جدا و غير قادرين للان على تغييره .. خاصه مع ثقافه القمع المنتشره فى المجتمع ..
بس انا برضه مستنيه تعقيبك كامل على التدوينة هناك :)
هههههه
أقولك أنا
التاج هو الوسم .. ولكن الأخت مها بتسميه كدا
إزاي تجاوبي عليه ؟؟
حضرتك تروحي على التدوينة اللي الأخت مها جاوبت فيها على التاج / الوسم وبعدين تنسخي الأسئلة وتجاوبي عليها وأخيرا تنشريها على المدونة
هذا هو الوسم أو التاج أو الواجب أو أيا كان اسمه
احم
طيب ما تيجي تسأليني يا بنتي .. معلش أنا مخدتش بالي إنك مدونة جديدة لسه :)
ربنا يكرمه أخونا وضاح وضح لك :D
بصي الوسم اللى هو تعريب لكمة تاج عبارة عن مجموعة أسئلة بتوصلني من مدون أو مدونة وأنا بجاوب عليهم وأبعتهم لغيري .. كده
المفروض في المشاركة اللى قلتلك ليك عندي وسم يكون فيها رابط التدوينة اللى فيها الوسم واللى هو عبارة عن شوية أسئلة زي ما قلنا
بس وبعد ما تاخدي الأسئلة وتجاوبي عليها تبعتيها لمدونين تانيين .. أي عدد من المدونين عايزة تبعتيها لمدونة واحده أو اتنين أو عشرة زي ما تحبي
تقولي في آخر التدوينة أنا حبعتلها لفلان وفلانة وتروحي لمدوناتهم أو لو ليك اتصال آخر بيهم وتقوليلهم ليكو عندي وسم وهو ده الرابط بتاعه وقضي الأمر :D
في انتظار إجاباتك يا جميل :)
السلام عليكم و رحمة الله و بركاته
وضاح
جزيت خيرا :)
ـــــــــ
مها
يا بنتى أنا لما دخلت عندك لقيت حاجات غربية .. و ده الى خلانى اتلخبط .. لقيت كلام قبل الاسئلة و كلام بعد الاسئلة .. هو كلام مفيد جدا ما شاء الهل ربنا يكرمك .. بس أنا افتركت ان ده نظام " الوسم " انك بتكتبى حاجه الاول و بعدين الاسئلة :)
جزاكم الله خيرا
و باذن الله قريب تلاقى الاجابات ها هنا :)
هههههههههههههه
أصلي مبحبش الشكل التقليدي لأي تدوينة .. أو تقدري تقولي إني بتفاعل مع التدوينة بكل حوارجي فبتطلع مكعبرة شوية كده :D
المهم خلاص في انتظار الإجابات :)
Post a Comment