محتاجه منكو اجابات بالى انتو شايفينه و بكل الى فى نفسكو و فى خلفياتكو المعرفية و خبراتكو الاجتماعية .. الخ عن السؤالين الى تحت دول .. بس خدوا حكاية الاجابة دى جد ربنا ما يوقعكو فى ضيقه علشان الموضوع بدأ يجيبلى ارتكارية حادة و حاسة كده ان فى مفاهيم اتضربت فى الخلاط مع بعض عند ناس كتير مع انها ما تنفعش تتحط مع بعضشيها كده و خلاص .. و الناس مش واخده بالها و بتتعامل عاتشى يعنى
لما تقرأ فى احدى الصفحات جملة زى : " و قد كانت المواجهات بين قوات الامن و صفوف المتظاهرين عنيفة مما ادى الى ... "
ممكن لو سمحت تقولى بس ايه تعريف سيادتك لمفهوم المواجهة ؟؟
و لو ممكن يعنى ايه الفرق بين المواجهه و الاعتداء ؟؟
طيب و لما تقرأ فى حته تانيه بقى خاااااااااااااالص حاجه من نوعية : " و قد صرح مش عارف مين بان الحرب فى فلسطين لن تنتهى الا بالتزام الاطراف المعنية بالمشعارف ايه كده "
معلش يا باشموهندس انا عارفه انى تقلت عليك و الله .. بس لو تسمح يعنى بالمرة تقولى تعريف جنابك ايه لمفهوم الحرب ؟؟
و الفرق كمان بعد اذنك بين الحرب و الاباده ؟؟
منتظرة اجاباتكم جميعا .. و ما نجيلكوش فى حاجه وحشه !!!
8 comments:
انتي قارفة نفسك ليه يا هبة :
غير الجورنال اللي انتي بتقرأيه و خلاص .
انا عملت كده بعد ما الدكتور بتاعي حذرني من ارتفاع ضغط الدم في سن مبكر ، فبدل ما تقري الاهرام مشيها دستور او مصري اليوم .
انما بقي لو شاغلة دماغك بعالم المفاهيم ، دكتور سيف راجعلك التيرم التاني.
ساره فؤاد
عارفة في بيت الشعر مش لازم تجيبي كلمة على الوزن والقافية
وكتير بتكون الكلمة ملهاش دعوة بهدف الشعر نفسه
بالظبط هو هنا نفس الحكاية
يعني ممكن نعبر بكلمات بدل كلمات مجرد تحريف للكلمة علشان قدام الناس نبقى كويسين
يعني إيه أمة؟
هو ممكن يكون في تناقض بين مصلحة الوطن و مصلحة الأمة؟
هم مين الصهاينة هم اخواتنا و حبايبنا اللي في بينا و بينهم اتفاقيات تجارية و معاهدات و لازم نحترمها
ولاااااااااااا حاجة تانية لا سمح الله
و بالمناسبة يعني هو مستر بوش بيعذر الصهاينةعلشان حق الدفاع عن نفسهم يا عيني من شدة الهجوم العسكري عليهم من قبل الجيش العربي
و إن اسنصروكم في الدين فعليكم النصر
هبة أنا بقى لي عشرة أيام و دماغي هتنفجر و بجد في حياتي ما حسيت بالذل قد ماأنا حاسةالأيام دي
خلاص الكلام ممنوش فايدة
كلنا حاسين باللي انتي بتقولي عليه
الضرب هنا قبل هناك
سؤالاتك الاتنين اجاباتهم
حسب نفسية اللي بيقرا
يا ترى انتي مع اخواتك (الفلسطينيين)
ولا مع ولاد عمك (اليهود)
و لا مع الغريب (الصهاينة والأمريكان)
*************************
انا بجد مش عارفة اقول ايه
بس احنا زمان كنا زعلانين ان العرب ما بيعملوش حاجة غير الشجب والادانة والتنديد
ماكناش نعرف ان
هييجي يوم علينا ونقول يا ريتكم حتى اعترضتوا
دايما دايما حبايبنا
رافعين راسنا
لأ وكمان خبطوها في السقف
يا صباح الدلالات والمألات.انتى بتسألى الفرق بين الاعتداء والمواجهة...طيب انا بسأل معاكى ...عن تفسير لهذه العبارات..ان البيت الابيض لا تعليق على ماتقوم به اسرائيل من اجراءات اسرائيلية...ولا تسيبى ليفنى ان حربنا موجه بالاساس للحرب ضد الارهاب....ولا اما يبقى اللى يضرب مساجد وبيوت اسر باكملها تتزال ومدرسة ....وهكذا ولكن من يسطر النهاية....
على الهامش ...الصورة حلوة اىو اللى انتى حطاها ديه
الفرق بين حرب وابادة
ان الحرب بين جيشين كل منهم له مقومات الحرب من جيوش وعتاد واستخبارات
اما الابادة هي بين جيش له مقومات الحرب من جيوش وعتاد واستخبارات وبين شعب اعزل
ربنا يثبتهم
ويهدينا ويهدي حكامنا
السلام عليكم و رحمة الله و بركاته
جزاكم الله خيرا جميعا على تعقيباتكم ..
اعتذر عن التأخر فىالرد نظرا لظروف الامتحانات و نظرا لظروف تأخر خدمة الدى اس ال حتى الان :(
Post a Comment