الفيديو الى تحت ده شفته بالصدفة البحته خالص على اليوتيوب
من فضلكم كل واحد يشوفه للاخر خااااااااااااااالص
و يقولى رأيه فيه .. و طلع منه بايه :)
و انتو بتتفرجو عليه تابعوا كده تعلقيات الناس الى كانت بتصور :)
و باذن الله حيكون لينا عليه تحليل و مناقشه فى مرة تانيه بعد ما اقرأ تعقيباتكم
14 comments:
تعلقي على الكليب هو أن للقوة صور عدة
فقد تتمثل صورة القوة في القدرة الجسدية قالقدرة على الركض بسرعة كما وذلك ما تملكه الأسود أو اللبوة
وقد تكون صورة القوة متمثلة في القدرة على الاختفاء والمهاجمة فجأة كما هو التمساح
وقد تكون القوة تتمثل في العدد كما ظهر في تجمع الثيران
وامتلاك صورة واحدة من صور القوة لايعني القدرة على السيطرة فلا اللبوة أو التمساح أو الثيران استطاعت أن تتمتع بالفريسة كاملة
لذلك من يجمع أكثر من صورة من صور القوى ولا يعتمد على صورة واحدة كما القدرة على استخدام صورة القوى المناسبة في الوقت المناسب (عندما ذهب أحد الثيران إلى قطيعه وأتى بهم إلى جميعا إلى الفريسة) هي ما تمكن من القدرة على السيطرة والتحكم في الآخرين وهذا ما تفعله.........
عبير ربيع
كليب وهمى طبعا , بس تعليقى يتلخص فى أن " القوة تفرض الحق وتحميه" وده حصل مع الأسودو التماسيح ودفاعهم عن الفريسة فى انها من حقهم, وإن " الاتحاد قوة" وده حصل لما رجع قطيع الجاموس الوحشى يدافع عن نفسه , وإن قطيع الجاموس كان أذكى من دول كتير دلوقتى , وطبعا مش هقول مين الدول دى :)
كلنا إيد واحدة يا باهجت
:)
----
حاجة تانية:
مش كلهم كانو بيهاجمو الأسود، يمكنم كانت لديهم الشجاعة أساسا للتصدي للأسود.. كانو يمكن أقل من ربعهم اللي عندهم استعداد لمهاجمتهم مجتمعين، و حوالي تلاتة منهم بس علي ما أعتقد اللي كانو عندهم شجاعة لمهاجمة الأسود منفردين... الشاهد هنا النسب... مش لازم كله يبقي مستعد يهاجم... المهم... كله يبقي واقف...
بس إيه رأيك في الناس اللي بتقول واحنا مالنا لما واحد يقع؟؟ أو لما واحد يقع نتيجة تهوره.. و الناس كلها تبيعه و تقف تتفرج عليه و تقول شفوفته أخرتها إيه.. أو لما واحد يقع و هو بيحاول.. و الناس لسه بتتفرج من بعيد.. و الأسود بتنهش فيه... ممممممم... متهيألي المشهد مؤسف... متهيألي... أحوال بلادنا مؤسفة جدا...:((((((
وأختم بما بدأت به
كلنا إيد واحدة يا بهجت :)
وعلي فكرة
أنا كنت فاكره مات
بس طلع لسه صاحي
فاهمااااااااااااانيييييي؟؟؟
الجثة لسه صاحية يا باشموهندز :))))
يمكن لو لحقوها... تقوم تاني
سلاااااااام :)
السلام عليكم
بعد التحية و السلام نفيدكم علما بأن مدونة
شباب الصحبة
بدأت المرحلة الاولي من العمل و نحن نقدم الان أجرأ و أكثر المقالات التي تتنوع ,, نرجو منكم المشاركة من جديد ابداء الرأي علي المواضيع وبدأ التعليق ,, كما أرجو المشاركة في الاستفتاء
دة أمل ليا و شرف ,, انا حكون سعيد لو تمنحهولي
مجهود أكثر من 5 شهور ينتظر أجابة فرد
و جزاكم الله خيرا علي كافة الاحوال
http://so7bah.blogspot.com/
السلام عليكم ورحمة الله و بركاته
عبير
اولا المدونة نورت و تشرفت و انبهجت و انفهش و حاجات كتير واى كده من زيارتك ليها هنا :)
عجبنى اوى تفصيلك للى حصل بالشكل ده :)
جميل جميل جميل جدااااااا .. فتحتى عينيا على كذا حاجه ما كنتش واخده بالى منهم :)
نورت :)
مريومة
تعقيب ابن ناس .. كويس كويس :)
____________
عمرو
بالنسبة للتعقيب الاولانى
حلو اوى .. كلام مهم .. كان اضافه بنت حلال على ما فى ذهنى
متشكرين يا فندم :)
بس هو مين بهجت الى انت بتكلمه هنا ده !!!!
:D
أولا:
ليه حددتي عن التعليق الأول؟؟ انتي مش موافقة يعني إن الجثة لسه عايشة؟
أثبتلك؟؟ الحكومة بتقول كده... قولي بأه إن الحكومة كذابة؟؟
ثانيا:
متقوليليش إنك فعلا مش عارفة المقولة الخالدة "كلنا إيد واحدة يا بهجت"؟؟؟ مستحيل يعني تكوني مشوفتيش مدرسة المشاغبين
ثالثا: فين بأه تحليلك؟؟؟ احنا مستنييييييييييييييييييين
المدون أحمد كجول
اهلا بيك يا فندم :)
نورت المدونة عندى :)
عمرو من بنى طموح
حضرتى مسكت التعقيب الاول لانه هو الى فى صلب الموضوع .. و كنت حاتكلم على التعقيب التانى لوحده بس كمان شوية
مفيش صبر خااااااااااالص كده :$
:D
بالنسبة للتعقيب التانى بقى
و انا كمان كنت فاكراه مات بس فوجئت انه لسه صاحى
بس فاتك حاجه مهمة
انه لم يتحول " لجثة " اصلا :)
الجثة لا تعود للحياة الا فى الدار الاخرة يا بشموهندس :)
و بعدين هذا الصغير فضل تحت ايدين الاسود دقيقتين او تلاته على بعض .. و فى خلالهم فاق الفريق بتاعه للخطأ الى حصل و راحو يصلحوه
ما فضلش تحت ايديهم 30 سنة لحاد ما فطس و بعدين الفريق بتاعه راح يشوف ايه الى كان حصل و ايه الى كان المفروض يتعمل
:)
و بعدين كان فى اتجاه عام لان التغيير ده يحصل حتى لو قام بيه 3 او اربعه زى ما انت قلت فى تعقيبك الاول .. بس الفريق كله اتحرك لتدعيم الاربعه دول
واخد بالك ؟؟؟
طيب :)
- - - - - - -
بالنسبة للتعقيب التالت بقى :)
اينعم لسه مش مصدق .. لحاد ما اشوف اثبات واقعى فعلى حقيقي :)
مليش دعوة بمين بيقول ايه لان انت عارف اصل المسرحيه .. حكينا فيها قبل كده :)
و بعدين ايوة مش عارفه الجملة الغريبة الى انت قلتها دى
شفت مدرسة المشاغبين .. بس مش فاكرة الجمله دى خاااااااااااااالص
مالك مستغرب ليه !!!!
و بعدين التحليل بتاع الموضوع يجي على مهله حضرتك يعنى :P
:)
اى خدمة :)
يا ميس يا ميس.. أنا عندي إضافة.. ممكن؟؟؟
فكرت في حاجة تانية.. لو مكانش واحد فيهم راح ندهلهم.. كان المشهد ده كله حصل أصلا؟؟؟ وعشان كده أهم واحد هو اللي بينده.. هو اللي زي ما بيسميه ابن القيم: يرفع للحق راية... هو اللي بيقول: معذرة إلي ربهم ولعلهم يتقون... هو اللي بيروح يصحي الناس..
وعلي فكرة.. احتمال كبير ميكونش من أشجع من في القطيع.. ممكن حتي ميكونش هاجم الأسود.. ممكن يكون مناللي كانوا واقفين بس... بس هو ده كان بداية القصة كلها.. هو ده اللي قدر يقلب موازين القوي كما أبانت من قبل عبير ...
بس كده... هذا ما لدي...
وللا إيش قال الأمير؟؟
:p
السلام عليكم و رحمة الله و بركاته
عمرو
حرد عليك باذن الله بس مش دلوقتى .. " لانى مجهده جدا " .. و م احتمال كبير يكون فى مناقشه وجها لوجه كده زى المرات الى فاتت
باعتذر معلش .. دعواتكم :)
معلش التعليق ملوش دعوة بالبوست من أساسه :] نظرا لعدم توافر كونكشن محترم يخلي الفيديو يشتغل بدون عذاب
:D
هعلق بعد إذنك على البوست الي فات
و مش على البوست نفسه كمان ..
:P
الصورة الي فيه عجبتني جدا جددددددا
------
كنت بأُبدي إعجابي بس :D
الله عليك
دايما مبدعة
يا بشموهندز .. يعنى مش عارفه اقولك ايه بصراحه !!!
الناس كلها تعلق على البوست نفسه .. و انت بتعلقى على صورة فى بوست تانى
اللهم صلى ع النبى
هو ده التميز :D :D :D :D
حضرتك المدونة كلها تحت امرك .. يعنى تعلقى على الى انت عايزاه فى ايتها حته :)
ربنا يفك كرب الكونيكشن الى عندكو ده يا بنتى :)
تحياتى ليكو كلكو :)
Post a Comment